عفوا لقد نفذت فزلكتي

نعم لقد نفذت فزلكتي تماما ... و أطلب من القارئ قبل أن أبدأ الكلام بأن يفتح جريدة الأهرام يتاريخه 20-5-2007
صفحة رقم 11 و على ايدك الشمال يا أسطه ايوه عند مجرد رأي في بيت صلاح منتصر اللي بعنوان ايـــــــــــــــــــــــــــــــــــــــــه؟
" ارضاع الرجل البالغ"
لا لا لا هو مش تعبير مجازي ... كان بودى والله
لا للأسف مش استعارة مكنية
هو في الواقع بيناقش فتوى صدرت عن الكابتن عزت عطية -بيبيع دوووم قدام جامعة الأزهر- المهم الكابتن ده أصدر فتوه فذه تستاهل الوقفة " مباح للمرأه العاملة التي توجد مع زميلها في العمل في مكان مغلق لا يفتح الا بواسطة أحدهم " اي في وجدوهما في خلوه محرمه " حد الله بينا و بين الحرام
و يا ريت نركز في الشروط اصلها مش وكالة من غير بواب
أن تقوم بارضاع زميلها البالغ حتى تمنع بذلك الخلوة المحرمه على اعتبار ان ذلك يجعله محرما عليها ..... الله أكير
الله ينور عليك يا راجل يا بركة
و مع بدأ ظهور علامات البلاهة و الازيهلال على وجهى
تخيلت النتائج المستقبلية الا و هي
1-... اختفاء الغيرة تماما بين الازواج ..... " في ايه يا حبيبي ده انا مرضعاه
2- اختفاء ظاهرة زواج الصالونات أصل أى اتنين زمله أولادهم هيكون اولادهم اخوات في الرضاعة
3- سيادة روح الأمومة و اندثار تام لمعالم الرجولة مما يلطف جو العمل و يعمل زيادة الانتاج
بس في كام سؤال ....
مين اللى هيبتدي بالطلب هل المرأة عشان خايفة على عفتها و لا الرجل عشان خايف على نفسه من الفتنه؟
مفاهيم الأمومة الدائمة عند الكابتن ايه؟ و لا ممكن تتم عملية الإرضاع بحليب صناعى ؟
http://www.alarabiya.net/articles/2007/05/16/34518.html